Këngëtari i njohur grek, Vassilis Karras është ndarë nga jeta në moshën 70-vjeçare.
Këngëtari grek është një emër i njohur dhe popullor për popullin shqiptar. Vassilis Karras prej rreth dy vitesh përballej me kancerin, një problem të rëndë shëndetësor.
Vassilis Karras prej më se disa dekadash është një yll në skenën e muzikës popullore greke. Disqet dhe këngët e tij u bënë hite brenda pak vitesh, ku arriti të bëhej këngëtari popullor numër “një” në Greqi.
Artisti ishte gjithashtu kompozitor dhe tekstshkrues në shumë hite të mëdha të skenës muzikore greke. Vassilis Karras është një artist shumë i njohur edhe për shqiptarët, pasi kohë më parë ka dhënë disa koncerte në Tiranë dhe në Korçë.
