Sirenat e alarmit janë ndezur për shtetasit turq pas tërmetit 4.5 ballë që ndodhi në lagjen Ilgaz të Çankirit, inxhinieri Gjeofizik Prof. Dr. Ahmet Ercan paralajmëroi se mund të ketë një tërmet me magnitudë 6 deri në 6.8 ballë mes Bolu-Gerede-Çankiri. Tërmeti i fundit kishte një magnitudë me thellësi prej 7 kilometrash.

Qendra e Menaxhimit të Fatkeqësive dhe Emergjencave (AFAD) njoftoi se, lëkundjet e ditës së djeshme ishin të magnitudës 4.5 ballë, epiqendra e të cilit ka qenë zona e Çankiri.

“Tërmeti i 27 dhjetorit në Çankiri-Ilgaz, në orën 16.04 tregon se në këtë rajon shtrihet thyerja e Anadollit të Veriut.

Në të ardhmen, ka një tendencë për një shkarkim M6.0-M6.8 midis Bolu-Gerede-Çankiri. Nuk e dimë kohëzgjatjen apo datën ekzakte, por duhet të jemi vigjilentë”, ka thënë Ercan. Dy tërmete të tjera kanë ndodhur në Çankiri Ilgaz, me magnitudë 3.5 ballë më 22 dhjetor dhe 3.8 më 1 dhjetor.