Gjykata e Lartë burg përjetë për Viktor Ymerin, ja gjyqtarët dhe prokurorët që e liruan duke i amnistuar krimet

Shuhet ëndrra e Viktor Ymerit, për të rifituar lirinë dhe dalë nga burgu. Ymeri u ndihmua nga gjyqtari Arjan Balliu, i cili i kishte hequr burgun përjetë, duke e dënuar me 25 vite burg.

Më pas, ishte gjyqtarja e Elbasanit, Enkeleda Kapedani, e cila liroi nga burgu Viktor Ymerin. Para këtij vendimi, ish-shefi juridik i burgut të Peqinit, Gani Shehu dhe kartelistin Lulzim Kadiu, i kanë shtuar më shumë orë pune këtij të dënuari, që të përfitonte lirinë sa më shpejtë.

Për lirimin e Ymerit ka qenë dakord prokurori i çështjes Mustafa Turku.

Por, një muaj më parë një kolegj penal i Gjykatës së Lartë, ka vendosur të rrëzojë dënimin me 25 vite burgim të dhënë nga Gjykata e Apelit Durrës, për vrasjen e Ilir Xhungës dhe Arben Pajës, ngjarje kjo e ndodhur në muajin qershor 1999.

Përmes këtij vendimi të dhënë nga Gjykata e Apelit, Imeri apo siç njihet ndryshe në Vlorë si “Tori i Xhihanes”, doli nga burgu.

Por teksa ka shpërbërë këtë masë dënimi me 25 vjet burgim, Gjykata e Lartë ka urdhëruar të lerë në fuqi vendimin e Gjykatës së Shkallës së Parë në Durrës, e cila e ka dënuar me burgim të përjetshëm Viktor Imerin.

Aktualisht Imeri është në një proces penal në Gjykatën e Posaçme SPAK, ku akuzohet se së bashku me persona të tjerë si Emiljano Shullazi dhe Indrit Taulla, kanë ekzekutuar biznesmenin Vajdin Lamaj dhe Artan Arsin në shkurt 2005.

Burimet shpjeguan për “Ora News” se edhe nëse në këtë proces penal Viktor Imeri fiton pafajësinë, sërisht ai nuk do mundë të dalë nga burgu për shkak të vendimin me burgim të përjetshëm që vendosi pak ditë më parë Gjykata e Lartë.

Imeri është një nga emrat më të njohur të botës së krimit në Vlorë, dhe njihet si mik i ngushtë i Edison Harizajt dhe Gazmend Brakës alias “Gaxhait”.

Në qershor të vitit 1999, Imeri së bashku me Gazmend Brakën sulmuan në Durrës me automatikë dhe kundërtank dy njerëzit e besuar të Lulzim Berishës, Ilir Xhungën dhe Arben Pajën.

Nga ky sulm të dy mbetën të vdekur në vend, ndërsa Gaxhai dhe Imeri u arrestuan nga policia po atë ditë në apartamentin e një mjeku në qytetin e Durrësit, teksa kishin hyrë për tu fshehur.

Për këtë ngjarje Gazmend Braka u dënua me burgim të përjetshëm ku vijon të vuajë akoma burgun. Ndërsa pas 24 vjet nga ndodhja e krimit, Gjykata e Lartë, dënoi me burg përjetë dhe Viktor Imerin.

Gjithashtu Viktor Ymeri, është dënuar dhe nga drejtësia Italiane me 24 vite burgim për vrasjen e Gëzim Muçës dhe plagosjen e Taulant Maskës në rrugën “Via dellaTraversa del Grill” në Romë.

Sipas vendimit italian Viktor Ymeri (Imeraj) allias Tomor Ncucaj, në bashkëpunim me një person tjetër, në 12 shkurt 1996, rreth orës 20:00,në rrugën “Via dellaTraversa del Grill” në Romë, ka qëlluar me armë zjarri mbi mjetin “BMË”, brenda të cilit ndodheshin Gëzim Muça dhe Taulant Maska, duke sjellë vdekjen e Gëzim Muça dhe plagosjen e Taulant Maska. Taulant Maska ka arritur të shpëtojë duke u larguar me vrap nga mjeti ku ndodhej.

Related Posts

Large Blackheads on the Face: How to Treat Them and When to See a Doctor

Large blackheads on the face can be frustrating and sometimes difficult to remove. They develop when pores become clogged with excess oil (sebum), dead skin cells, and…

The Important Car Button Every Driver Should Know How to Use

Many drivers are familiar with their vehicle’s basic controls but may overlook one small button that can be especially useful in an emergency: the hazard warning light…

Can You Spot All Three Hidden Objects in This Woodland Puzzle?

At first glance, this colorful woodland illustration looks like a peaceful camping scene. Several animals, including a fox, two owls, a little bird, and a squirrel, gather…

The Tiny Holes on Padlocks Have an Important Purpose Most People Overlook

Have you ever noticed the tiny holes at the bottom of a padlock? They may look like minor manufacturing details, but they often serve an important purpose….

The Secret Floor Buttons Once Used to Call Servants in Wealthy Homes

In many older wealthy homes, a small, hidden button in the floor served a surprisingly important purpose. Known as a servant call button or floor call switch,…

The Simple Bar of Soap Trick Some Homeowners Use to Keep Ants Away

Ants entering your home can quickly become annoying, especially when they appear around kitchen counters, windowsills, and doorways. One household trick that has gained popularity involves rubbing…

Leave a Reply

Your email address will not be published. Required fields are marked *