Një ngjarje e rëndë është shënuar në Itali, ku ka humbur jetën në vendin e punës një 61-vjeçar shqiptar.
Ngjarja ka ndodhur në Borghetto, ku punëtori 61-vjeçar ishte duke punuar në një kompani në Cuneo. Ai ndodhej në skela duke punuar në katin e katër, kur për arsye që nuk dihen u rrëzua përtokë nga një lartësi rreth 8-10 metra.
Edhe pse menjëherë është thirrur ambulanca, shqiptari ka ndërruar jetë në vend. Policia ndodhet në vendin e ngjarjes dhe po punon për zbardhjen e plotë të rrethanave të kësaj ngjajre.
