Ashtu siç edhe pritej, dalja e Mirel Mërtirit në Syri Tv ka tërbuar dhe llahtarisur stanin mediatik të Ilir Metës dhe Arben Ahmetajt, ky i fundit pronari i biznesit të inceneratorëve.

Me disa fakte dhe përgjigje të thjeshta Mërtiri shembi të gjithë skenarin për inceneratorët, ngritur 5 vitet e fundit, me mullarë balte, shifra të fabrikuara, çorbë mediatike, refrene dhe gjysmë të vërteta, ku më i zellshëm është shfaqur Vesho mallisti.

Në Elbasan dhe Fier vlera e investimit sipas eksperteve të SPAK është më e madhe se fondi i akurduar nga buxheti i shtetit.

Nga inceneratori i Tiranës kompania ka arkëtuar në total 71 milionë euro, ndërkohë që afati për përfundimin e inceneratorit është në 2026.

Të tjerat janë akuza politike që do ndihmojnë kompaninë për të fituar në Arbitrazh.

Edhe pse ishte dendur me viza për të qenë në formë dhe pavarësisht instruksionit të Tigrit, Vesho mallisti ka humbur kontrollin.

Vesho ka akuzuar gazetarët Çim Peka dhe Enton Abilekaj se janë blerë nga Mirel Mërtiri, bashkë me Syrin Tv të Familjes Berisha.

Vesho ka aluduar edhe për Belo Ezmerin se po i bënte një shërbim Mirel Mërtirin.

Vesho kishte kërkuar që të ishte ai në studio për të bërë pyetje, por Çim Peka e kishte refuzuar, pasi nuk mund të banalizonte intervistën me praninë e tij.

Në këto kushte, Vesho mallisti i ka akuzuar të gjithë si të blerë nga Mirel Mërtiri.

Në fund Mirel Mërtiri i dha përgjigje edhe pyetjes se ku kanë shkuar paratë e inceneratorit të Tiranës, pra 71 milionë euro, që zarat mediatikë të Tigrit thonë 1 milionë euro.

Mërtiri ka theksuar se këto para kanë shkuar për investime (zbatimi i kontratës), rreth 20 % taksa, shpenzime operative si dhe paga për punëtorët.