Kreu i SPAK-ut Altin Dumani ka përgenjeshtruar Monika Kryemadhin, e cila tha disa ditë më parë se SPAK dhe BKH-ja i kanë kontrolluar disa banesa dhe i kanë sekuestruar një telefon në lidhje me kallëzimin e saj për inceneratorët

Dumani tha se kontrollet janë ushtruar për të gjetur provat e korrupsionit dhe pastrimit të parave nga Ilir Meta dhe Monika Kryemadhi.

Dumani shtoi se ndaj Ilir Metës po kryhen ende hetime.

“Kontrollet tona janë instrument për të gjetur proven. Sa i takon Metës, është çështje ndaj të cilës po kryhen ende hetime dhe nuk kam një koment”, tha kreu i SPAK-ut.

Monika Kryemadhi tha disa ditë më parë se kontrollet kishin lidhje me kallëzimin e saj për inceneratorët.

“Nuk është sekuestruar asnjë gjë e familjarëve të mi. Vetëm celulari, send që ka lidhje me kallëzimet e mia. Mos u shqetësoni, Monika Kryemadhi nuk ka gjë për të fshehur. Libër i hapur është Monika Kryemadhi për ju“, tha Kryemadhi.

Ilir Meta dhe Monika Kryemadhi po hetohen nga SPAK për korrupsion madhor, pastrim parash, fshehje pasurie etj.