Mbrëmjen e së premtes në spektaklin “Big Brother VIP Kosova”, u transmetua një video material i ngjeshur me tension dhe emocion, ku protagonistët ishin Ganiu dhe Linda. Skenat e forta zbuluan një konfrontim të ashpër mes të dyve, të cilat nxitën shpërthimin emocional të Lindës.

Klipi tërhoqi menjëherë vëmendjen e audiencës, pasi tregoi momentet kur Linda s’u përmbajt më dhe shpërtheu duke qarë përballë ofendimeve të përsëritura që vinte nga Ganiu.

Ky i fundit nuk kurseu fjalët e rënda dhe sulmet personale, duke i thënë ndër të tjera: “Shko pi domestos për ta mbytur veten, ti nuk flet me familjen tënde. Je vajzë, se të ishe djalë ndryshe ishim nda”. Këto komente u dukën si pikë kulminante e përplasjeve të tyre të vazhdueshme brenda shtëpisë së Big Brother VIP Kosova.