Poezi per Liridona Ademaj permes te ciles poetja sikur ka thënë fjalët që donte t’i thoshte Liridona e ndjerë. Ju ftojmë të lexoni këtë poezi prekëse nga Raze Smajli-Uka, për Liridona Ademaj, dhimbjen e një populli.

Nënë, paska qenë Djallë,
(Kushtuar:Liridona Ademaj)

Nënë, a flejtë fëmijë mbrëmë?

Nuk i pashë, e pata shumë rënd,

Më i lehtë dheu se tradhëtia,

Ah, më vrau pas shpinë’ “Dashuria”

Nënë, i fala atij shumë Dashuri,

Nga ajo lindën dy fëmijë,

Se s’më do s’ma tha në sy,

për t’më vrarë dha dhe pasuri.

Nënë, këtu nuk jam e vetmuar,

Edhe shumë si unë kanë përfunduar,

Njëherë zërin e kishin lëshuar,

Kufirin e “Burrit” kishin kaluar,

Nënë, si do ta përballojnë vallë Fëmija?!

Do i përcjellë gjatë tragjedia?

Nuk do i mundoj tek ti uria,

Do t’ju mungojnë ledhatimet e mia.

Nënë, mësoni shumë djemtë e mi,

Se gruaja nuk është pronësi,

Asaj i duhet shumë dashuri,

E ajo e kthen edhe ujin për ty.

Nënë, u thuaj vëllezërve të mi,

Me gjak duart mos me i përly,

Do të ketë për mua drejtësi,

Ai do të jetë me turp në gji..

Nënë, paska qenë Djallë,

Ai që të gjitha ja kam falë.