Gazetari Arian Çani është shprehur se zhvillon biseda të shpeshta telefonike me kryebashkiakun e zgjedhur të Himarës, Fredi Belerin, i cili ndodhet në paraburgim për blerje votash.

Çani tha se qelia i paska bërë “mirë” Belerit në përmirësimin e gjuhës shqipe, pasi sipas tij, kishte shumë përmirësim.

“Unë flas në telefon shpesh me zotin Beleri. Flas me kabinë, kur ka mundësinë merr ai në telefon. Unë e kam dëgjuar edhe herë të tjera, e di shumë mirë sesa i qartë dhe sa i kthjellët është Beleri. Këtë e them për të gjithë ata që e paragjykojnë pa e njohur. Thjesht ka një problem pak të vogël me shqipen, sepse ngaqë ka jetuar vite të tëra dhe që kur ka lindur ka folur gjuhën e tij që është greqishtja. Ka problem sepse shqipja nuk i vjen lirshëm siç i v jen greqishtja përshembull.”, tha Çani.